Business 2.0

Бизнес бол Процесс (1)

Хэдэн жилийн өмнө найз маань надад гольфийн цохиур бэлэглэж, түүнийг дагаж талбайд гарсаар би гольф тоглодог болсон юм. Үнэндээ ямар нэгэн сургалтад явж, багшаар заалгалгүй, “хар” практикаар сурсан гэхэд болно.

Нэгэн зун манай талбай дээр гольфийн сайн дасгалжуулагч хүн ирэв. Тэр хүн манайхны тоглолтыг шинжиж, алдаа оноог хэлж өгч, зөвлөж байхтай таарав. Мэдээж хэрэг, хэдэн жил тоглочихсон хүн байна, бусдыг дууриаж өөрийн алдаа оноог сонирхон шинжүүллээ.

Дасгалжуулагч бид хоёр талбай дээр гарав. Дасгалжуулагч миний цохилтыг анхааралтай харж байлаа. Тэгээд хэсэг харсны дараа тэр надаас “Та гольфын курст хэр удаан хичээллэсэн бэ” гэж асуулаа. Ямар ч курст явж байгаагүйгээ би хэлэв. Тэр над руу харж инээснээ, за та үргэлжлүүлээд бай гэлээ. Би хэлснийх нь дагуу янз бүрийн хэмжээ зайнд, чадахаараа л хичээж бөмбөгөө цохив. Дасгалжуулагч “Та гольфийн арга техникийн талаар ямар ном уншсан бэ?” гэлээ. Би гольфийн арга техникийн талаар ямар ч ном олигтой уншиж судлаагүй учир түүнийгээ мөн хэлэв. Тэр мөн инээж за би ойлголоо гэв.

BusinessIsprocess01
Миний зөвлөгөө авах цаг дуусч би түүнийг надад чухам юу хэлэх бол гэж хүлээж байлаа. Тэгэхэд тэр дасгалжуулагч надад их сургамжтай, өвөрмөц хариулт өгсөн юм.

Тэр надад би танд одоогоор ямар ч зөвлөгөө өгч чадахгүй юм байна гэлээ. Яагаад гэвэл, танд барьж аваад сайжруулах ямар ч арга техник байхгүй юм бна. Та байгалийн өгөгдлөөрөө л тоглоод явдаг хүн байна. Хэрэв гольф таны амралт бол та энэ өгөгдлөөрөө, энэ түвшиндээ найз нартайгаа тоглоод явахад бүрэн болох байх. Харин улам сайн тоглодог болъё гэвэл эхлээд та барьж аваад хөгжүүлж болох, өөрийн гэсэн ямар нэгэн арга техниктэй болох хэрэгтэй дээ гэж билээ.

Тэгээд үргэлжлүүлэн, би таны өгөгдлийг буюу ноён Энхбатыг хэрхэн сайжруулахыг хэлж мэдэхгүй. Тэр бол Будда багшийн ажил байх. Харин миний ажил бол таныг биш, харин таны арга техникийн талаар зөвлөгөө өгөх явдал. Гэтэл танд өөрийн гэсэн арга техник байхгүй учир та бид хоёрт ярилцах зүйл, тэр обьект маань байхгүй байна шүү дээ гэж билээ.

Continue reading "Бизнес бол Процесс (1)" »


Бизнес бол Систем

BusinessMN сэтгүүлийн 2018.12 сарын (#1) дугаараас авлаа

Уулзалт, лекцийн үед залуус шинэ бизнесээ хэрхэн хөгжүүлэх талаар зөвлөгөө өгөөч гэж хүсдэг юм. Харин ярилцах явцад ажиглагддаг нэгэн нийтлэг зураг бол  тэд ажил, бизнес хоёрын ялгааг олж хараагүй явдаг.

Business_sytemАжил мэргэжилдээ л сайн бол хэн ч эхлүүлсэн бизнесээ, жишээ нь сайн жолооч авто баазаа, сайн тогооч ресторанаа ямар ч асуудалгүй аваад явчихаж чадна гэдэгт тэд итгэдэг.  Тэгээд сайн программ зохиогч нэг нь өөрийн старт-ап компаниа, авьяаслаг маркетер нөгөө нь өөрийн агентлагаа гэх мэтээр байгуулан бизнесээ эхлүүлсэн байдаг.   

Мэдээж, итгэл бол сайхан зүйл. Зөвхөн өөртөө итгэж, зориглосон хүн л бизнесээ байгуулж, авч явдаг нь гарцаагүй. Гэхдээ бизнес гэж чухам юу вэ гэдгийг зөв ойлгож, бизнесээ хэрхэн бүтээх, хөгжүүлэх талаар шургуу суралцаж мэдэлгүйгээр, бизнесээ зөвхөн өөрийн мэргэжлийн чадвар, итгэл зүтгэл, дан ганц уйгагүй хөдөлмөрөөрөө авч явна гэвэл цаашид тасралтгүй хөгжин явах сайн бизнестэй болох магадлал бага.   

Бизнесээ эхлүүлж буй хүний ажилд олон саад бэрхшээл учрах ч өсөлт хөгжилд нь хамгийн их хор учруулдаг, түгээмэл тааралддаг алдаа бол шинэ бизнесээ өмнөх ажил, мэргэжлийнхээ томруулсан үргэлжлэл гэж бодох эндүүрэл юм. Ийм эндүүрэл олон жил, тэр бүү хэл насаараа бизнес эрхэлж буй хүмүүсийн дунд ч элбэг тааралдана. 

Continue reading "Бизнес бол Систем" »


Энтрэпренер, Мэргэжилтэн, Менежер гурав

Pic20161218Энтрепренер бол шинэ санааг төрүүлэгч, тээгч. Тэр саад бэрхшээл болон асуудлыг, эсвэл хаана юу дутагдаж байгааг олж хараад өөрөө эрсдэл үүрч шийдэх замаар ашиг, орлого олдог бизнес эрхлэгч.

Бизнес эрхлэгч бүр Энтрепренер байдаггүй. Жишээ нь, томилогдсон захирал хүн бизнес эрхлэгч мөн боловч Энтрепренер биш. Яагаад гэвэл, нэгдүгээрт, тэр өөрөө хувь хүний хувьд бизнесийн эрсдэл үүрээгүй, хоёрдугаарт, асуудлыг анх олж харж, түүнийг шийдэх бизнесийг эхлүүлсэн хүн биш. Гэхдээ тэр бол бизнес эрхлэгч, менежер хүн.

Энтрепренер хүн үргэлж шинэ санаа, шинэ шийдлийн хойноос явж байдаг.

Continue reading "Энтрэпренер, Мэргэжилтэн, Менежер гурав" »