Яагаад Дижитал? Яагаад Дата?

Миний Дижитал гарц TED Ulaanbaatar 2018 лекцийн бичлэгийг энд үзэж болно.

Сүүлийн жилүүдэд дэлхий даяараа шуугих болсон Дижитал, Дата эрин, давалгаа, шилжилт гэх мэт сэдэвтэй их хэлэлцүүлэг, ярианы учир шалтгаан чухам юунд вэ? Бизнес, компаниа авч яваа завгүй хүмүүс яагаад үүнд тэргүүн зэргийн ач холбогдол өгч, олон ажлынхаа зэрэгцээгээр судлан суралцаж, энэ бүхнээс хоцролгүй явах ёстой вэ? Энэ бүхэн Монголын бизнес, Монгол улсын хөгжилд хэрхэн нөлөөлөх вэ? ... Магадгүй, бүрэлдэж буй цоо шинэ энэ нөхцөл байдал бидэнд хөгжлийн замаа эргэн харж, дүгнэж, алсын хараа, хөгжлийн загвараа шинээр томьёолох боломж олгож байгаа бус уу? 

 

 


Танай вэб сайт зочныхоо чухам ямар асуудлыг шийддэг вэ?

Хүмүүс Интернэтийн вэб сайтад үндсэндээ хоёр л шалтгаанаар зочилдог гэдэг.

WwwЭнэ нь -

  1. Чөлөөт цагаа өнгөрөөж, эсвэл
  2. Ямар нэгэн асуудлаа шийдэх гэж.

Бизнесийн вэб сайтууд голдуу сүүлийнхэд нь зориулагдсан байдаг.

Тэгвэл танай вэб сайт зочдынхоо чухам ямар хэрэгцээ, шаардлагад үйлчилдэг вэ?

Маркетингийн туршлага багатай компаниуд вэб сайтаа зочдынхоо хэрэгцээ, тулгамдсан асуудалд үйлчлэх бус, харин өөрсдийгөө магтаж харуулах зориулалттай талбар болгочихдог. Тэд вэб сайтынхаа нүүр хуудсанд компаний шилэн байшин, эсвэл Ерөнхий захирлынхаа хөрөг зураг, мэндчилгээ зэргийг байрлуулсан байх нь элбэг. Гэтэл, үйлчилгээний талбар бус, харин сурталчилгааны зурагт хуудас мэт вэб сайтууд зочдыг татах биш үргээдэг.

Хүмүүс танай вэб сайтад компаний тань сурталчилгааг үзэх гэж бус, зөвхөн өөрт тулгарсан асуудлаа шийдэх гэж зочилж байгаа. Тэд хэрэгтэй зүйлээ шууд л олж харахгүй бол сайтыг чинь цааш уншиж судлахгүй, удаан зочлохгүй. Тэдэнд Интернэт дээр олон өөр сонголт бий.

Судалгаанаас үзэхэд, хүмүүс шинээр зочилж буй вэб сайтаа ухаж, үргэлжлүүлэн унших эсэхээ ердөө эхний 30-40 секундэд шийддэг байна. Тэд ямар ч вэб хуудасны дөрөвний нэгээс хэтрэхгүйг уншаад хэрэгтэй зүйлээ олж харахгүй бол өөр хуудас руу, эсвэл бүр өөр сайт руу явчихдаг.

Continue reading "Танай вэб сайт зочныхоо чухам ямар асуудлыг шийддэг вэ?" »


Мэдээллийн үнэ цэнэ

Аялал жуулчлалын нэгэн компаний захирал надтай уулзахаар ирэв. Бид урьд өдөр нь утсаар товч ярилцсан байсан учир асуудал түвэгтэй, алдааг засах боломжгүйг би гадарлаж байлаа.

ImagesТэдний компани гаднаас жуулчид авдаг, тоо нь байнга өсч, энэ жил олон жуулчин авна гэж төлөвлөж байжээ. Гэтэл ярилцаж, харьцаж байсан жуулчдын олонхи нь ирсэнгүй. Харин яагаад жуулчид эрс цөөрсний учрыг компаний захирал саяхан олж мэдсэн байв.

Тэдний компанид ажиллаж, жуулчидтай нь харилцдаг байсан ажилтан залуу өвөл ажлаасаа халагджээ. Компаний бүх харилцаа холбоог хариуцдаг байсан тэр залуу ажилдаа өөрийн хувийн и-мэйлээ ашигладаг байсан байна. Тэр ажлаас гарахдаа бичиг цаасаа ямар ч асуудалгүй хүлээлгэн өгч, тооцоогоо ном ёсоор хийж, түүний оронд орсон шинэ ажилтан ч ажилдаа хэл амгүй шамдан оржээ.

Зун боллоо. Ирэх жуулчид эрс цөөрчээ. Тэд учрыг мэдэхгүй байв.

Continue reading "Мэдээллийн үнэ цэнэ" »


Business.MN сэтгүүлийн флип-дугаар

MagsBusiness.MN сэтгүүлийг захиалмаар байна, гэхдээ эхлээд олоод нэг үзчих юмсан гэж олон хүн хэлдэг. Харин бидэнд хүссэн хүн бүрт сэтгүүлийг биетээр нь илгээж, урьдчилан үзүүлэх боломж байсангүй. Хэвлэгдэн гарсан эхний 3 дугаар бүрэн борлогдож дууссан. Одоо 4 дэхь дугаар хэвлэгдэн захиалагчдынхаа гар дээр очиж байна.

Сайн мэдээ гэвэл, энд бид сэтгүүлийнхээ анхны дугаарыг онлайн флип-форматаар бэлтгэж нийтэллээ. Энэ флип дугаараас таныг манай сэтгүүлийн талаар бүрэн ойлголт, мэдрэмж авч чадна гэж найдаж байна.

Continue reading "Business.MN сэтгүүлийн флип-дугаар" »


Маркетингийн 1 хуудас төлөвлөгөө

Номын тухай 

1pmpАмжилттай бизнес босгохын тулд та тохиолдлын чанартай маркетингийн үйл ажиллагаагаа зогсоож бизнесийн огцом өсөлтийн төлөө найдвартай төлөвлөгөөг дагаж эхлэх хэрэгтэй. Уламжлалт ойлголтоор маркетингийн төлөвлөгөө бий болгох гэдэг бол хүнд хэцүү, цаг зав шаардсан ажил байсан … Харин одоо бизнес эрхлэгч хэн ч, ажлаа дөнгөж эхэлж буй энтрепренерүүд ч энэ номыг уншаад өөрийн, сайтар боловсруулсан маркетингийн стратеги, төлөвлөгөөгөө алхам алхмаар боловсруулах чадвартай болно.

Continue reading "Маркетингийн 1 хуудас төлөвлөгөө" »